Eta bertsotan hasi ginen…abesten!

Aitor etorri zen eta galdezka hasi zitzaigun:

- Zer da bertsolaritza?

Gu pentsa ta pentsa eta…. aurkitu genuen erantzuna !!!

Neurriz eta errimaz

kantatzea hitza
horra hor zer kirol mota
den bertsolaritza.

Xabier Amuriza

Eta hau ikasi eta gero bertsotan hasi ginen. “Ama begira zazu” doinuarekin gelako giroa berotu egin genuen.

Doinua ikasi eta entzun nahi baduzue begira ezazue “Bertso doinuak” atalean.

MB Bertsotan

Aurten 5. mailako ikasleok proiektu berri batean murgildu egin gara. Bertsotan hasi gara!   Aitor Mendiluze bertsolariaren laguntza daukagu bertsolaritzari buruz asko ikasi eta gure bertsoak ere egiteko. Bertsolariak izateko bidean gaudela esan digu! Eta honek guri ilusio handia eman digu. Beraz, lan gogorra egiteko prest gaude eta astero-astero hor gaude jo ta ke bertsotan.

Gure lanak konpartitu nahian leku hau sortu dugu. Zuen gustukoa izatea espero dugu.