BERTSOMETA 1

Bertsometarako bertsoak prest ditugu!!!!!

Hartu dugun gaia “GABONAK” da eta hemen jartzen dizkizuegu lehenengo bi bertsoak.

Gabonak daude hona heltzear Etxeak apaindu ditugu Eta familiarekin elkartzen gera eta Olentzero datorkigu Jesusen jaiotza ospatzen da Eta jaiotza jartzen dugu Gabonak dira dibertitzeko Disfrutatu dezagun Umeak daude elurrarekin Jolasean lagunekin Eta helduak berriz hor daude Telefonoa eta lanekin Aiton amonak berriz hor daude Pozik bazkaltzen gurekin Umeak daude kanta kantari Etxez etxe elkarrekin. Doinua: Ari naizela Maddi eta Jokin

Gabonak oso politak dira Jende guztia elkartzeko Etxea apaindu zuhaitz jarriz Jesus haurra jaiotzeko Ta abenduak hogeita bost Opariak banatzeko Eguberri eguna da Denak elkar ospatzeko Hiru erregeak ta Olentzero Datoz opariak banatzen Eta gauean lo egin gabe Urduri eta pentsatzen Goizean denak goiz jeiki eta Opariak irekitzen Opariekin jolastu eta Baita asko dibertitzen Doinua: Ari naizela Maria eta Elber

AGATE DEUNA

Heldu zaigu, berriro ere, Agate Deuna eguna. Bezpera gauean, otsailaren 4an, Euskal Herrian oles egiteko ohitura izan dugu. Ohitura honek oraindik dirau bizirik toki askotan.
Agate Deunaren inguruan Euskal herrian ohitura desberdinak izan dira. Kanpai jotze luzeak izaten ziren eta, Bizkaiko zenbait ermitatan, erromeriak.
Beste toki batzuetan, egun horren goizaldean, baserrietako soro eta baratzetan, Kandelario egunean elizan bedeinkatutako kandelak pizten ziren.
Tradizioak zioen egun horretan ezin zela labako edo garbiketa lanik egin.
Gaur egun, berriz, toki gehienetan gorde izan den ohitura zera izan da, zuzendaria aukeraturik, makila bana eskuan hartuta eta lehengo janzkeraz, dirua edo janaria biltzen etxez etxe oles egiten ibiltzea.
Oles egiten den bitartean bertso eta kopla ugari erabiltzen dira. Hona hemen batzuk:

ZORION, ETXE HONTAKO DENOI!

Zorion etxe hontako denoi!
Oles egitera gatoz,
aterik ate ohitura zaharra
aurten berritzeko asmoz.
Ez gaude oso aberats diruz,
ezta ere oinetakoz.
Baina eztarriz sano gabiltza,
ta kanta nahi degu gogoz.

Santa Ageda bezpera degu
Euskal Herriko eguna,
etxe guztiak kantuz pozteko
aukeratu deguna.
Santa maitea gaur hartu degu
gure bideko laguna.
Haren laguntzaz bete gentzake
egun hontako jarduna.